Frequently Asked Questions

Consumer Law Ready е специјализирана програма за обука за микро, мали и средни претпријатија (ММСП), која им помага да ги разберат и да се усогласат со најновите закони за заштита на потрошувачите во ЕУ и на национално ниво.

Consumer Law Ready е проект финансиран од Европската комисија. Eurochambres (Стопанската комора на Брисел, Белгија), во конзорциум со BEUC (Европска организација на потрошувачи) и SMEunited (Европска асоцијација на занаетчиски, мали и средни претпријатија), го реализираат овој проект.
Нивните членови на национално ниво исто така се активно вклучени со цел да се постигне поголем опфат на деловната заедница. Проектот започна во јануари 2017 година и трае до декември 2026 година.

Проектот функционира на неколку нивоа:
На европско ниво, Eurochambres и неговите партнери, заедно со специјализирани тренери и правни експерти, обучуваат по еден национален тренер во секоја земја. Тие се нарекуваат „главни тренери“ (lead trainers).
Главните тренери потоа обучуваат од 20 до 30 регионални тренери во својата земја за европското и националното потрошувачко право. Регионалните тренери потоа се подготвени да организираат обуки за ММСП во своите региони. Обуките се одржуваат на јазикот на соодветната земја.
Онлајн материјалите за учење им овозможуваат на претприемачите да го изучуваат материјалот преку читање документи, учество во квизови, гледање видеа и полагање електронски тест за добивање сертификат.

Проектот се состои од седуммодули:

• Преддоговорни информации (модул 1)
• Право на повлекување (модул 2)
•  Потрошувачки права и гаранции (модул 3  )
• Нечесни трговски практики и нечесни договорни одредби (модул 4)
• Алтернативно решавање спорови(ADR) и онлајн решавање спорови (ODR) ( модул 5) 
• Права и обврски на дигиталните пазари (модул 6)
• Безбедност на производите (модул 7)

Проектот главно се фокусира на националните договори, но содржи и многу насоки за прекугранични договори.

Проектот опфаќа и онлајн и офлајн трговија.

Consumer Law Ready е наменет за сопственици и вработени во микро, мали и средни претпријатија низ Европската унија, како и во Норвешка и Исланд.

За да се пријавите на настан во вашата околина, посетете го SME порталот и пребарајте настани што ви одговараат.

Проектот е финансиран од Европската унија, па затоа материјалите за обука, содржината и промотивните материјали на Consumer Law Ready се бесплатни за сите тренери, национални или локални.

Сепак, локалните тренери може да наплатат за обуките за МСП, но се охрабруваат цената да биде што е можно пониска.

Надоместоците треба да ги покриваат организациските трошоци и времето на тренерот

Термините за обуките ги одредуваат националните и локалните тренери. Ве молиме најавете се на веб-страницата за да го видите распоредот.

Consumer Law Ready е уникатна програма за обука со сеопфатни онлајн материјали наменети за претприемачи.
Веб-страницата на проектот обезбедува:

Материјали за читање:7-те теми се објаснети во „модули“ со текстови за европското и националното потрошувачко право на вашиот јазик, со алатки и контролни листи

• Кратки видеа
• Квизови за проверка на знаењето
• Е-тест што овозможува добивање сертификат
• ЧПП (FAQs) и Форум каде можете да поставувате прашања и да учите од експерти и други корисници

Consumer Law Ready може да ви помогне! Секој модул е напишан за конкретна земја и содржи информации за националното законодавство. Модулите од сите земји можете да ги најдете во делот:

https://www.consumerlawready.eu/trainer/all-language-module-download-page

Доколку сакате да пристапите до сите онлајн материјали (видеа, квизови) и да ги видите прашањата на другите корисници, треба да креирате дополнителна сметка со друга е-пошта.
На пример: ако сте француски трговец и сакате да тргувате со Италија, можете да го изучувате италијанското законодавство преку модулите за Италија. Можете да се регистрирате на страницата со избор на „Италија“. Секоја национална верзија е достапна само на јазикот на таа земја.

За тренерите се достапни материјали за подготовка на обуките:

• Наставни материјали (модули и PowerPoint презентации) на вашиот јазик и прилагодени на националното законодавство
• Шаблони за документи (листи на учесници, сертификати, формулари за заштита на податоци)
• Промотивни материјали (летоци, објави за социјални мрежи, банери, слики)
• Онлајн материјали како видеа, квизови и е-тестови што можете да им ги препорачате на МСП
• ЧПП и форум за прашања и размена на знаење
• Пристап до овие материјали имаат само главните тренери („CLR trainers“).

За регистрација, пополнете ја страницата Sign Up

Некои информации се опционални, но се препорачува да ги внесете веднаш за подобро да се приспособи системот на вашите потреби.

По регистрацијата ќе добиете е-пошта за активација. Треба да кликнете на линкот за да добиете целосен пристап до веб-страницата.

Ако не ја добиете е-поштата за активација, контактирајте не на: info@consumerlawready.eu (на англиски, италијански, шпански или француски).

Контактирајте не на info@consumerlawready.eu на англиски, шпански, италијански или француски.

Проверете го форумот на веб-страницата и, ако е потребно, поставете нова тема. Вашето прашање може да им помогне и на други корисници и ќе добиете брз одговор.