Што мора да им соопштите на потрошувачите за производ или услуга што ја нудите ПРЕД тие да ја купат?

EU Consumer Rights Directive бара да им обезбедите на потрошувачите осум клучни информации пред да склучат било каков договор за продажба или услуга со вас.

Одредени специфични информации мора да бидат презентирани на продажното место, а дополнителни информации треба да се обезбедат за склучување на договор на далечина (онлајн, телефонски) или надвор од вашите деловни простории.

Кликнете тука за да дознаете кои се овие осум клучни информации и како треба да ги презентирате! Дознајте што треба да направите ако работите прекугранично и им се обраќате на потрошувачите од друга земја на ЕУ, како и што се случува доколку не ги почитувате законските барања!

Правото на повлекување е моќна алатка што правото на ЕУ им ја дава на потрошувачите во сите земји членки на ЕУ. Тоа им овозможува на потрошувачите да го откажат договорот во рок од 14 дена од приемот, без да наведат причина.

Договорот може да се однесува на испорака на стоки, услуги и/или дигитална содржина. Сакате да дознаете сè за правото на повлекување и како тоа функционира за вас како трговец?

Кликнете тука за да научите како правилно да го инкорпорирате правото на повлекување во вашите договори и како да постапите кога потрошувачот ќе се повлече од договор или ќе врати купен производ.

Едно од најважните прашања поврзани со продажбата на стоки е „гаранцијата“, односно одговорноста на продавачот за сите недостатоци на стоките што ги продава. Доколку производот или услугата што сте ја продале има недостаток, престане да функционира или не е во согласност со договореното (несообразна), кои се вашите обврски кон потрошувачот?

Според правото на ЕУ, трговците мора да извршат поправка или замена на неисправен производ. Што претставува законска гаранција и како се разликува од трговската гаранција? Што се случува во случај на прекугранична продажба?

Што ако поправката е премногу скапа, а трговецот претпочита да го замени производот или да му ги врати парите на потрошувачот? Кликнете тука за да дознаете сè за гаранциите за неисправна стока!

Кога ги рекламирам моите производи или услуги пред потрошувачите, дали има нешто што не смеам да го правам? Правото на ЕУ ги дефинира нечесните трговски практики и нечесните договорни одредби.

Трговската практика е нечесна според правото на ЕУ, кога го спречува потрошувачот да донесе слободна и целосно информирана економска одлука. Нечесните трговски практики се забранети низ целата ЕУ.

Условите во договорите со потрошувачите мора да исполнуваат одредени стандарди за да бидат во согласност со принципот на добра волја и да се избегне нерамнотежа на штета на потрошувачот во однос на правата и обврските меѓу договорните страни.

Како да овозможам моето рекламирање да биде усогласено со правото на ЕУ? Кликнете тука за да се уверите дека вашите рекламни практики се во согласност со законот!

Алтернативното решавање спорови (АДР), понекогаш нарекувано и „вонсудско решавање спорови“, е постапка што им овозможува на потрошувачите и трговците да ги решаваат споровите без судска постапка. Тоа вклучува користење на непристрасно тело за АДР кое применува техники како медијација, арбитража или комбинирани методи.

Според правото на ЕУ, АДР може да се користи за секој спор што произлегува од договор меѓу трговец и потрошувач. Производите или услугите можат да бидат купени онлајн или офлајн, во истата земја или во различни земји на ЕУ.

Поради зголемениот раст на трансакциите во е-трговијата, се зголеми и бројот на спорови поврзани со онлајн купувања. Европската Комисија  ја создаде Платформата за онлајн решавање спорови (ОДР) со цел да управува со зголемениот број на вакви спорови и да обезбеди поддршка за трговците и потрошувачите.

Кликнете тука за да дознаете повеќе за Алтернативното решавање спорови (АДР) и Онлајн решавањето спорови (ОДР)!